हा अखंड नंदादीप जळणार सतत जळणार
हा असाच तेवत जगती निज प्रकाश नित देणार॥धृ॥
जळत जळत जरि आत्मनाश हो जीवन सार्थकता ही
घोर निराशा तमविनाश हो ध्येय अंतरी राही
हा प्रदीप्त नंदादीप अवनीस प्रकाशविणार॥१॥
चिरकाल जळत असणे इतरांसहि चेतविणे
हे कार्य सतत करणे दशदिशा प्रकाशविणे
आकांक्षा धरुनी चित्ती हा जळत जळत जळणार॥२॥
प्रलय वादळी नंदादीप मुळिं न थरथरे असे ज्वलंत
ज्वालामुखिपरि वरुनि शांत हा दया क्षमा ठेवी थोर
गंभीर मनी खंबीर प्रज्वलित राष्ट्र करणार॥३॥
एक दीप दुसऱ्यास चेतवी ऐसे अगणित होती
जागृत हा राष्ट्रास जागवी देउनि जीवनस्फुर्ती
हा एकच नंदादिप पण दीपमाळ करणार॥४॥
No comments:
Post a Comment